Гэта кадры двухгадовай даўнасці. 7 лістапада 2016 года. Менавіта тады афіцыйна прадставілі беларускага цяжкавагавіка. Пад яго капотам 450 конскіх сіл. Важыць 15 тон. Потым будзе выстава "Белагра" і парад да Дня Незалежнасці ў Мінску. І ўвесь гэты час яго - "Беларуса-4522" - будуць называць наймагутнейшым трактарам у свеце. Пры гэтым ён усё яшчэ на выпрабавальным тэрміне. Што ні дзень, то іспыт - узараць, адвезці кармы ў сховішча. Сёння - культывацыя. Сумяшчальнасць са шматлікімі глебаапрацуючымі агрэгатамі - асаблівасць. Але далёка не адзіная.
Зрэшты, да гэтага поля трактар без трактарыста, калі быць шчырым, рухаўся значна даўжэй за два гады. Такой карціну будучыні бачылі яшчэ ў савецкай кінакласіцы. Год 1957-ы.
А вось якой будучыню бачым сёння мы. Трактар без трактарыста - гэта не толькі сапраўдны цуд, гэта і ёсць наша сучаснасць. За адзін праход мадэль 4522, выконваючы максімальную колькасць аперацый, і апрацоўвае вялікія плошчы. Усяго на выпрабаванні ў МТЗ 4 экзэмпляры. Машыну ўжо чакаюць у Расіі і Казахстане. А ў вытворчасць - не раней за восень. Па тэхніцы бяспекі (аб'ектыўнасці дзеля на гэтым этапе) аператар у кабіне ўсё-такі абавязаны быць.
Вось гэты трактар разганяецца да 40 км/г. Праўда, на полі, калі працуе ўсяго 10-15. Пры гэтым апрацоўваць можа адразу 7 метраў.
Убачыць, як роўна трактар трымае лінію на полі, дапаможа ўжо іншая навіна. І таксама прадбачаная ў савецкай кінакласіцы. З вялікай адлегласці з дапамогай квадракоптара і камеры працу кантралюе аператар сельгастэхнікі.
Як гаварылася ў іншым добрым кіно: тэлебачанне, адно суцэльнае тэлебачанне.
Юрый Леанавец, генеральны дырэктар кітайска-беларускага СЗАТ "Авіяцыйныя тэхналогіі і комплексы": "Дадзены лятальны апарат можа лятаць адразу ў некалькіх рэжымах. Першы з дапамогай пульта. Чалавек самастойна можа праводзіць даследаванні ў радыусе 500 метраў. Гэта такія аператыўныя палёты. Другі знаходзіцца тут, у фюзеляжы. Ён дазваляе цалкам вырашаць задачы ў аўтаматычным рэжыме. Аператар загадзя ўвёў каардынаты поля, вызначыў задачу беспілотніку, запусціў яго і чакае, калі беспілотнік выканае і сам аўтаматычна сядзе".
Можа быць і трэці варыянт. З дапамогай наземнай станцыі кіравання. Але гэта, хутчэй, у экстранным выпадку. Камера ўсталяваная на пузе жалезнай птушкі, а гэта дае магчымасць здзяйсняць маніторынг і абследаванне сельгасугоддзяў на 360 градусаў. Ад матораў да апорных вінтоў - зроблена ў Беларусі. Гэты беспілотнік - першая ластаўка сумеснага беларуска-кітайскага праекта па развіцці тэхналогій у галіне авіяцыі. Стартаваў ён некалькі гадоў таму, а вось практычнае выкарыстанне знайшоў толькі ў красавіку. Акрамя квадракоптара, робяць комплексы самалётнага тыпу. Аб вытворчым канвееры можна будзе гаварыць у наступным годзе.
Юрый Леанавец, генеральны дырэктар кітайска-беларускага СЗАТ "Авіяцыйныя тэхналогіі і комплексы": "Вось гэтыя беспілотныя тэхналогіі могуць вельмі эфектыўна выкарыстоўвацца ў сельскай гаспадарцы для картыравання палёў, для аператыўнага маніторынгу, для ацэнкіі ўсходжасці, для ацэнкі і прагнозу ўраджайнасці. Па ацэнках якасці праведзенай пасяўной, усяго мы вызначылі больш як 10 задач".
Наогул, у беларускім небе актыўна лятае больш як 5 тысяч квадракоптараў. Як прамысловага, так і спецыяльнага прызначэння. Не выпусціць нічога з таго, што адбываецца на полі, дапамагаюць і ў полі. І гэта чарговы павеў нашага часу - блогеры і каналы.
Гаспадарка "Хваецкае" ў гэтай справе перадавік. Некалькі гадоў аб буднях камбайнераў тут распавядае самы малады. Для Васіля Лемяшэўскага гэта ўжо 7-я ўборачная. Кожны працоўны дзень ён фіксуе на тэлефон. Як падрыхтаваць тэхніку да збору ўраджаю, настроіць бартавы камп'ютар або ў чым асаблівасці ўборкі рапсу і жыта? Яго ролікі набіраюць тысячы праглядаў. Але перш за ўсё хлеб!
Васіль Лемяшэўскі, блогер: "Мэта стварэння канала была такая, каб паказаць працу механізатараў у полі (камбайнера, трактарыста), паказаць з кабіны. Знутры. Так, праца нялёгкая. Асабліва, калі здараюцца паломкі ў сезоне".
Аб усім. Як ёсць. У гаспадарцы заўважаюць: інавацыі дысцыплінуюць. Гэта ж увесь свет бачыць!
А на тыдні свету прадставілі яшчэ адну беларускую распрацоўку. Так званы лушчыльнік. Памочнік у барацьбе з іржышчам пасля ўборкі ўраджаю.
Ігар Мацюта, намеснік дырэктара ДУ "Беларуская МІС": "У залежнасці ад тыпу глеб (цяжкія або лёгкія) лушчыльнік камплектуецца рознымі дыскамі. 7,5 кг для лёгкіх, 13,5 для цяжкіх глеб. Такі спосаб мацавання дыскаў дае магчымасць ідэальнага капіравання рэльефу зямлі".
Да 9 сантыметраў углыб і так 9 метраў па шырыні. За змену можна апрацаваць да 120 гектараў зямлі. Канструкцыю распрацоўвалі на працягу года. Зараз гэта адзіны ўзор. Эксперыментальны. Да канца 2018-га яго выпрабуюць у шматлікіх беларускіх гаспадарках, заўвагі ўлічаць. Але аб эканамічнай выгадзе гавораць смела ўжо сёння.
Гэта Нясвіжскі раён. Механізатар Аляксандр Заяц робіць N-ы круг з лушчыльнікам па полі. Важна зразумець, ці падыходзіць менавіта для гэтых глеб. Ужо заўтра агрэгат выпрабуюць у іншай гаспадарцы. Дарэчы, тэрміны іспытаў у "Беларуса-4522" і гэтай навінкі прыкладна супадаюць. Чым не новы сельгастандэм для наступнай уборачнай. Час на прыцірку ёсць.
