Нацыянальны банк з 1 сакавіка забараняе выкарыстанне валюты ў дзейнасці страхавых і турыстычных арганізацый. Таксама за валюту нельга будзе заправіцца на АЗС і разлічыцца на паграничных пунктах пропуску і міжнародных трасах. Гэта былі апошнія сегменты розніцы, дзе дагэтуль афіцыйна можна было праводзіць разлікі ў замежнай валюце.
Галоўнае пытанне, якое ўзнікае: па якім курсе турыстычныя кампаніі будуць прымаць валюту? Ці не ўстановяць свае курсы абмену, якія перавышаюць афіцыйны? І ці не ўзляцяць у сувязі з гэтым цэны тураў?
Пракаменціраваць гэта ў студыю мы паклікалі нашага эканамічнага аглядальніка, вядучага праграм "Сфера інтарэсаў" і "Навіны эканомікі" Сяргея Воляка.
Адразу скажу - не. Але, каб разабрацца ў пытанні, прапаноўваю звярнуцца да першакрыніц. Вось гэтая пастанова Нацбанка "Аб некаторых пытаннях выкарыстання замежнай валюты".
Разлікі ў замежных грошах забараняюцца на міжнародных аўтамагістралях і пунктах пропуску праз дзяржграніцу. У страхавой дзейнасці - у турыстычнай дзейнасці - пры продажы аўтамабільнага паліва.
Увогуле-та, пагодзьцеся, нармальна ў сваёй краіне плаціць сваёй валютай. Напрыклад, на АЗС, скажам, Літвы, якая ў новым годзе стала членам Еўрасаюза, упэўнены, немагчыма заплаціць наяўнымі доларамі.
Дарэчы, страхавыя арганізацыі адэкватна адрэагавалі на пастанову. Ім трэба закрыць нейкія раней заключаныя кантракты і без праблем страхавальшчыкі далей будуць працаваць у рублях.
Ад АЗС і пагранічных аб'ектаў мы таксама не чулі каментарыяў. Неяк больш за іншых узрушыўся турыстычны сектар. У прыватнасці, яны просяць пакінуць некаторым кампаніям ліцэнзіі на валютныя разлікі.
Валюта ёсць на біржы, любая турфірма праз свой банк яе можа купіць у неабходных колькасцях. Гэта значыць, адзіны аргумент турфірм - так склалася гадамі, ім так зручна і камфортна. Аднак, ведаючы пазіцыю Нацбанка, выключэнняў не будзе. Усім турфірмам трэба працаваць у рублях. Што датычыцца павышэння цэн. Паверце, у гэтым сезоне, калі такі спад попыту, турфірмам трэба змагацца за кожнага кліента. Таму яны, вядома, могуць пералічваць па любым курсе, але ў нас будзе магчымасць выбраць тураператара з лепшым коштам.