Вось пасля такой гутаркі, пасля слоў нашых гераінь, успамінаючы ўсе тыя эмоцыі, якімі беларусы жылі ў дні той белай баталіі, разумееш, які сэнс укладвалі арганізатары ў алімпійскі слоган "Аб'яднаўчы запал". А яшчэ разумееш: тыя, хто распальваў да, падчас і пасля гонкі антыбеларускія страсці ў Сетцы, проста пакрыўджаныя. Тыя, хто не радаваўся нашаму цуду на чацвярых, нават не ў меншасці - амаль у адзіноце.
Так, і вось пакрыўджаная брытанская "Гардыян" ужо мармыча пра нашу Дашу: "Агент КДБ". Вядома, калі выйгравае сусветная ўлюбёнка, маладая мама, выйгравае дружная каманда "камсамолак, спартсменак і проста прыгажунь", талерантнай "Гардыян", якую ўжо не раз лавілі на здагадках і недаверы да ўсяго, што на ўсходзе ад Лондана, - такой "Гардыян" сумна. І рука сама сабою цягнецца да каменя, які колькі гадоў ляжаў за пазухай.