"Вялікая размова з Прэзідэнтам" адбылася яшчэ на мінулым тыдні, але шырокі рэзананс, які яна выклікала ў СМІ і грамадстве, дагэтуль вялізны. Да таго ж, падаспелі і самыя галоўныя для нас, тэлевізійшчыкаў, лічбы - рэйтынгі. І трэба сказаць, сёлета яны пайшлі прыкметна ўверх.
Прамую трансляцыю і тэлеверсію размовы прэсы, экспертаў і Аляксандра Лукашэнкі паглядзелі амаль два з паловай мільёны беларусаў. Гэта трэць гарадскога насельніцтва краіны. З доляй у 23,3 наш тэлеканал стаў безумоўным лідарам сярод калегаў. Таксама ў беларускім YouTube-сегменце вялікай цікавасцю карысталіся тры відэацытаты Прэзідэнта, асаблівую цікавасць гледачоў выклікала тэма ўзаемаадносін Беларусі і Расіі.
