Зараз да грамадска-палітычнага жыцця нашай краіны. У пятніцу Кіраўнік дзяржавы сустрэўся са старшынёй Федэрацыі прафсаюзаў Міхаілам Ордам. Арганізацыя стане свайго роду народным кантралёрам за цэнамі ў Беларусі.
Эксперты ФПБ прасочаць за коштам значных груп тавараў і параўнаюць дадзеныя афіцыйнай статыстыкі з цэнамі на месцах. А вынікі такога аналізу Федэрацыя прафсаюзаў перадасць ураду. Кіраўнік дзяржавы таксама падкрэсліў сваю значную ўвагу да развіцця прафсаюзнага руху і яго ініцыятыў.
У Беларусі колькасць членаў прафсаюзаў перавышае чатыры мільёны чалавек. Гэта каля 95% ад эканамічна актыўнага насельніцтва краіны. У той жа час Прэзідэнт паабяцаў падтрымку развіццю партыйнай сістэмы Беларусі, але без штучных мер.
Дарэчы, на гэтым тыдні на адно грамадскае аб'яднанне ў Беларусі стала больш. Міністэрства юстыцыі зарэгістравала кампанію "Гавары праўду". Сярод мэт: пабудова ў рэспубліцы сістэмы дзяржадносін, якія забяспечваюць эфектыўнае развіццё рыначнай эканомікі ва ўмовах моцнай сацыяльнай падтрымкі насельніцтва.
Нагадаю, сёння ў Беларусі зарэгістравана 15 палітычных партый і звыш 1100 партыйных арганізацый. 28 прафсаюзаў і амаль тры тысячы міжнародных, рэспубліканскіх і мясцовых грамадскіх аб'яднанняў.
