На тыдні Аляксандр Лукашэнка правёў адразу некалькі сустрэч з прадстаўнікамі буйнога расійскага бізнесу. Герману Грэфу, які прадстаўляе "Ашчадбанк", і Пятру Авену, кіраўніку кансорцыума "Альфа-Груп", Аляксандр Лукашэнка прапанаваў пашыраць прысутнасць на беларускім рынку, у чым, без сумнення, прадпрымальнікі зацікаўленыя. Вопыт супрацоўніцтва паказаў, што беларускія аддзяленні вышэйназваных банкаўскіх груп з'яўляюцца аднымі з тэхналагічных лідараў у СНД.
Дарэчы, на сустрэчы з Германам Грэфам прысутнічаў і кіраўнік "Руснафты" Міхаіл Гуцэрыеў, які яшчэ і галоўны інвестар калійнага камбіната ў Любані, які будуецца, і праект Нежынскага горна-ўзбагачальнага прадпрыемства стаў адной з тэм абмеркавання на сустрэчы. У гутарцы з расійскімі бізнесменамі Прэзідэнт не выключыў магчымага аднаўлення супрацоўніцтва ў калійнай сферы з расійскім бокам, але падкрэсліў, што будавацца такая кааперацыя будзе толькі з улікам нацыянальных інтарэсаў Беларусі.
У любым выпадку, новаму калійнаму камбінату быць. На будаўнічай пляцоўцы будучага нежынскага прадпрыемства работы ідуць поўным ходам. Здымачная група адправілася ў Любанскі раён, каб упэўніцца ў гэтым увачавідкі, а заадно пагутарыць з Ігарам Кожычам, выконваючым абавязкі дырэктара "Слаўкалія".
