Мы ўжо пачулі меркаванні бізнесменаў, паглядзелі на факты - у тым ліку і хоцімскі прыклад, які шмат у чым паказальны. Але як у цэлым ідуць справы? Якая агульная карціна? Для адказу на гэтыя пытанні часам лепш зірнуць з боку. І як раз на гэтым тыдні даволі нечакана падвярнулася зручная падстава. "Усходні падатковы рай". Артыкул пад такім загалоўкам апублікавала аўтарытэтнае польскае выданне Wprost. "Усходні падатковы рай" - гэта яны пра нас. Магчыма, тут у кагосьці будзе разрыў шаблону. Але так гавораць прадпрымальнікі, якія рэальна тут працуюць.
Размова ў артыкуле ідзе аб магчымасцях для замежных інвестараў. Меркаваннямі дзеляцца бізнесмены, у якіх у нашай краіне ёсць свая справа. Гэта і кампанія "Атлас", і вытворца мэблі "Вокс". Яны адзначаюць, па-першае, прывабнасць свабодных эканамічных зон, дзе інвестар 5 гадоў не плаціць падаходны падатак, а стаўка ПДВ - толькі 10%. Па-другое, Парк высокіх тэхналогій. Там гэтыя вылікі не спаганяюць наогул на працягу 15 гадоў. Па-трэцяе, вялізны рынак Еўразійскага эканамічнага саюза - 170 мільёнаў спажыўцоў. Па-чацвёртае, у Беларусі вялікая колькасць кваліфікаваных кадраў. А па-пятае, заяўнічы прынцып - прадпрыемства можна зарэгістраваць за дзень. Новыя гарызонты дзелавога супрацоўніцтва адкрывае сёння і бязвізавы ўезд у Беларусь.
Бізнесмены ўпэўненыя, польскіх кампаній на беларускім рынку будзе ўсё больш. І ў сваю чаргу запрашаюць беларусаў больш актыўна выходзіць на іх рынак, у прыватнасці на Варшаўскую фондавую біржу.
Яшчэ адзін фактар, які ўплывае і на дзелавае асяроддзе ўнутры любой дзяржавы, і на яго інвестыцыйны імідж. Узровень шэрага сектара. Іншымі словамі, карупцыі. Нядаўна быў прапанаваны чарговы рэйтынг ад Transparency International - індэкс успрымання карупцыі. Дык вось Беларусь значна палепшыла свае пазіцыі - адразу на 30 пунктаў. Зрэшты, ці можна на шляху антыкарупцыйнай барацьбы расслабляцца? Што мы рэальна сёння можам зрабіць, каб спыніць тых, хто хабары бярэ, і тых, хто іх прапаноўвае. Заўтра ў студыі ток-шоу "Форум" - гарачая спрэчка менавіта на гэтую тэму. Не прапусціце!
