Аб важных падзеях тыдня глядзіце ў "Галоўным эфіры"

9 Чэрвеня 2019

У нашым эфіры мы традыцыйна гаворым  пра галоўнае. І каб распавесці пра ўсё максімальна поўна, імкнёмся быць у гушчы жыцця і ў цэнтры падзей.

А зрабіць гэта на тыдні  было проста. Бо жыццё кіпіць менавіта тут, у палях. І побач са сталіцай і ў глыбінцы аграрыі акунуліся ў палявыя работы. Убачыць вынікі іх працы можна на традыцыйным беларускім "Экспафоруме". Больш за паўтысячы кампаній, сотні відаў тавараў з амаль трох дзясяткаў краін. Тут усё самае новае з нашай і не толькі аграсферы.

Напрыклад, вось гэтая карова (яе клічуць Маланка і яна пераможца конкурсу) штодня дае па 40 літраў малака. А вось там  унікальная для краіны прамысловая рыба - паўтараметровы весланос. А яшчэ  новыя тэхналогіі і ўзоры тэхнікі. Увогуле ўсё, чым багаты сектар, якому мы ўсе вельмі абавязаныя. 

Прычым лічбы паставак, збораў і продажаў  не галоўнае. Куды  важней тое, што дзякуючы працы ўсіх аграрыяў у нас, беларусаў, становіцца багацейшым наш харчовы выбар.

На тыдні ў Беларусі  не толькі каляндарнае, але і кліматычнае лета. Цёплае сонца, па якім традыцыйна сумуем, прырода і водная роўнядзь, куды традыцыйна цягне ў спякотныя дні. На беларускіх пляжах ізноў шматлюдна,  нават тут, на Мінскім моры, наш персанальны выбар  у плане адпачынку таксама багацейшы. Хоць і ёсць куды яшчэ імкнуцца, але ўжо і ёсць з чаго выбіраць. Напрыклад, вось так  пракаціцца з ветрам на караблі. 

Гэта тычыцца і дзіцячага адпачынку летам. Бо раней здавалася,  што ў такую пару можна прапанаваць юнаму беларусу? Вёску ў бабулі, дачу бацькоў або марыва гарадскіх вуліц. А зараз? Спартыўны, аздараўленчы, аднаўленчы, актыўны, творчы адпачынак на любы густ. Пра дзіцячыя лагеры  звычайныя і не вельмі мы таксама пагаворым у праграме. 

Аб выбары і выбарах сёння  адразу некалькі матэрыялаў "Галоўнага эфіру". З вамі Сяргей Гусачэнка і Вольга Макей.