На тыдні Прэзідэнт асобна прайшоўся па важных эканамічных тэмах

Такія міжнародныя кантакты і міждзяржаўныя праекты ўжо сапраўды на карысць эканоміцы. Дарэчы, прынцыповая размова пра макрапаказчыкі развіцця краіны і глабальныя фінансы якраз чакаецца ў гэтым месяцы. Але і на гэтым тыдні асобна прайшліся па важных тэмах эканамічнага парадку дня.

Без увагі не засталася беларуска-расійская тэма: Прэзідэнт даручыў ураду паскорыць узгадненне праграмы дзеянняў па паглыбленні інтэграцыі. Дарожная карта павінна быць гатовая ў лістападзе. 

Не толькі з Расіяй, але і з Еўрасаюзам трэба актывізаваць працу па рашэнні візавых пытанняў. Неўзабаве МЗС занясе свае прапановы Кіраўніку дзяржавы. 

Прагучала і навіна, якую рады былі пачуць тыя, хто плануе прыехаць у Беларусь: Аляксандр Лукашэнка падтрымаў прапанову пашырыць бязвізавую зону ў Гродзенскай і Брэсцкай абласцях. 

Абмяркоўвалі рэалізацыю буйных інвестпраектаў у дрэваапрацоўцы. Адзін з іх - запуск вытворчасці на Светлагорскім цэлюлозна-кардонным камбінаце. Прадпрыемства з няпростай гісторыяй будзе цалкам уведзена ў строй у другім паўгоддзі - жалезабетонныя гарантыі дае ўрад. Абмяркоўвалі, і як прасоўваюцца праекты ў Добрушы і Шклове. 

Рэзюмэ Кіраўніка дзяржавы: дапрацаваць і занесці ўказы па іх у Адміністрацыю Прэзідэнта на працягу жніўня. На кантролі застаюцца і пытанні ўборачнай кампаніі: пройдзены экватар жніва.