На тыдні Прэзідэнт Беларусі сустрэўся з міністрамі замежных спраў - Швецыі і Фінляндыі

На тыдні ў Палацы Незалежнасці гаварылі аб развіцці кантактаў з Еўрасаюзам, а таксама новых праектах Беларусі са Стакгольмам і Хельсінкі. Наш Прэзідэнт сустрэўся адразу з двума міністрамі замежных спраў - Швецыі і Фінляндыі. Наша краіна зацікаўлена ў наладжванні ўзаемапаважлівых і добрасуседскіх адносін з Еўрапейскім саюзам у цэлым і ў прыватнасці - з дзяржавамі, якія прадстаўляюць госці. 

Што датычыцца абстаноўкі ў свеце і рэгіёне. У агульных інтарэсах, каб наша частка кантынента стала "аазісам міру, спакою і росквіту", у цяперашняй сітуацыі само жыццё падштурхоўвае да больш цеснага партнёрства. Сабрацца ў Мінску - гэта была сумесная ініцыятыва міністраў замежных спраў. Беларусь, Фінляндыя, Швецыя - суседзі па рэгіёне, а значыць, і пытанні агульныя. Сустрэча прайшла ў той самай зялёнай зале, дзе адбыліся гістарычныя перамовы нармандскай чацвёркі. Аб Украіне таксама гаварылі.

Наогул падчас перамоў часта гучала фраза: "У нас шмат агульнага". З краінамі Паўночнай Еўропы гэта і гандлёвыя адносіны, і праекты ў самых розных сферах - ад дрэваапрацоўкі да лагістыкі. Ёсць сур'ёзныя перспектывы ў энергетыцы, экалогіі. Беларусь будуе атамную станцыю ў Астраўцы, Хельсінкі - сваю “Ханхіківі-1”, і мы, у сваю чаргу, гатовыя запазычаць фінскі вопыт па гарантаванні бяспекі. 

Кіраўнікі МЗС Фінляндыі і Швецыі пачулі яшчэ адзін меседж: гэта сустрэча можа паўплываць на развіццё адносін Беларусі з іншымі краінамі Паўночнай Еўропы. Наш Прэзідэнт запрасіў міністраў яшчэ раз пабываць у Беларусі, але ўжо разам з калегамі з Нарвегіі, Даніі і Ісландыі.