К пытанню справядлівасці. Дамагчыся сатысфакцыі за адхіленне ад галоўнага старту чатырохгоддзя. Нацыянальны алімпійскі камітэт працягвае змагацца за мужчынскую каманду па веславанні на байдарках і каноэ, якая праз, мякка гаворачы, неадназначнае рашэнне міжнароднай федэрацыі прапусціла Гульні ў Рыа-дэ-Жанэйра.
На тыдні ад антыдопінгавага агенцтва Францыі прыйшло апавяшчэнне аб тым, што чатыры з пяці нашых спартсменаў, якіх падазравалі ва ўжыванні забароненых прэпаратаў, не вінаватыя.
Застаецца Максім Пятроў. У яго невялікае перавышэнне мяльдонію, але нават тут ёсць навуковае тлумачэнне. Беларускі бок спадзяецца на станоўчае рашэнне міжнароднага арбітражу ў швейцарскай Лазане 27 студзеня.
А пасля разлічвае пакараць Міжнародную федэрацыю каноэ па ўсіх юрыдычных нормах. Спартыўную злосць нашы атлеты змогуць рэалізаваць у жніўні на чэмпіянаце свету. Да гэтага часу дыскваліфікацыя ў любым выпадку скончыцца.
