Той выпадак, калі вочы баяцца і правільна робяць. Відэакадры гавораць самі за сябе.
Застаецца толькі здзіўляцца, няўжо для таго, каб навесці парадак, патрэбен бізун ў асобе кантралёраў. Мы, мабыць, пагаворым пра тое, што радуе вока. Мінск у найбліжэйшыя пяць гадоў стане зелянейшым на траціну. У сталіцы па даручэнні Кіраўніка дзяржавы распрацавана новая схема азелянення. У горадзе з'явіцца тры дзясяткі добраўпарадкаваных паркаў на месцы цяперашніх закінутых тэрыторый.
Да высадкі дрэў як у гарадах, так і ў лясным масіве зараз актыўна далучаюцца жыхары краіны. З панядзелка пачынаецца акцыя "Тыдзень лесу".
Але ў нашых лясах не абыходзіцца без сучка і задзірынкі. А часам і бервяна. Таго самага, непрыметнага. Добрага гаспадара не хапіла ў Мінскім раёне, дзе па недаглядзе загінула некалькі тысяч маладых елак.
А ў Глускім раёне дзелавая драўніна ўжо больш за год псуецца прама пад адкрытым небам. Тэма азелянення стане ключавой ў новай серыі праекта "На кантролі Прэзідэнта".
Нашы карэспандэнты ўбачылі маладыя лясы ў зоне адсялення, пацярпелай ад чарнобыльскай катастрофы. А яшчэ пагаварылі адразу з двума "зялёнымі" міністрамі - прыродных рэсурсаў і лясной гаспадаркі - на калючыя тэмы.
"На кантролі Прэзідэнта". Азеляненне
7 апреля 2019