Масква гатовая вырашаць пытанні з няякаснай нафтай

Нельга ўтрымліваць той або іншы рынак бедным кошыкам экспарту, у якім, напрыклад, толькі грузавікі, толькі мясныя паўфабрыкаты або толькі дызельнае паліва. Разбярэмся - чаму нельга. Заўтра такі партнёр увядзе квоты, зробіць паблажкі свайму вытворцу або адбудзецца надзвычайнае здарэнне з сыравінай - як здарылася з нафтай. І мы страцім сотні мільёнаў долараў, што выдаткавалі на ўваходжанне і замацаванне на рынку, не гаворачы ўжо пра прамыя страты ў экспарце. 

Дарэчы, Прэзідэнт на нарадзе ў аўторак запатрабаваў ад Сяргея Румаса пэўных вынікаў па вырашэнні пытання "атрутнай" нафты з Расіі. Прэм'ер адчытаўся па запуску дарожнай карты ліквідацыі наступстваў, а ў пятніцу абмеркаваў ход яе рэалізацыі са сваім калегам Дзмітрыем Мядзведзевым. 

Масква гатовая вырашаць пытанні з няякаснай нафтай. Гэта датычыцца і самага хворага пытання - кампенсацыі. Няякаснае або папросту бруднае чорнае золата невыгадна нікому. Прапампоўка чыстага рэсурсу ў кірунку Заходняй Еўропы - найбуйнейшага кліента - пачнецца зусім хутка. Літаральна праз пару дзён вызваляць нафтаправод для сыравіны высокай якасці. А затым адновіцца і транзіт. 

Гаварылі прэм'еры ў Маскве і пра інтэграцыю. Чакаем ад міністраў эканомікі Беларусі і Расіі вырашэнняў, здольных зняць калі не ўсё, то хоць бы вялікую частку рознагалоссяў. А ўжо ў канцы чэрвеня Сяргей Румас і яго калега Дзмітрый Мядзведзеў сустрэнуцца зноў для зверкі гадзіннікаў.