"Мінск старажытны" - фестываль аматараў гісторыі - перанёс некалькі тысяч чалавек на дзевяць з паловай стагоддзяў назад. Гэта поўнае пагружэнне ў часы Полацкага княства, калі войскі сышліся на берагах ракі Нямігі. З таго моманту ўсё і пачалося.
У Дзень горада павіншавалі і жыхароў сталіцы. Звання "Мінчанін года" ўдастоеныя 13 чалавек. Гэта тыя, хто кожны дзень сваёй працай робіць родны Мінск паспяховым.
Праз 950 гадоў пасля тых падзей на Нямізе горад заквітнеў. Гэта асабліва падкрэслівалі і нашы госці - павіншаваць Мінск прыехалі 19 дэлегацый з 12 краін.
А яшчэ ў гэтыя дні ў сталіцы сапраўдны вясельны бум! Пажаніцца ў дзень горада, аказваецца, добрая прыкмета. Тысячнай парай Палаца шлюбу сталі нявеста з Беларусі і жаніх з Бахрэйна. Урачыстасці прайшлі і ў канцэртнай зале "Верхні горад" - там зарэгістравалі шлюб адразу 9 пар.
А заснуў Мінск, як сапраўдны імяніннік, далёка за поўнач. Толькі ў 23:00 неба над Нямігай расфарбаваў не проста салют - лазернае феерверк-шоу.
Такімі гэтыя дні былі для нашага горада - насычанымі яркімі эмоцыямі, сакавітымі фарбамі і, галоўнае, усмешкамі і зіхатлівымі вачамі мінчан.
