Ламбардыя і Венета - праводзяць рэферэндумы аб наданні ім большай аўтаноміі

Еўрапейскі дом хістаецца, як картачны домік. Прыклад Каталоніі апынуўся заразлівы. Сёння найбагацейшыя рэгіёны Італіі - Ламбардыя і Венета - праводзяць рэферэндумы аб наданні ім большай аўтаноміі. У гісторыі рэспублікі такія кансультацыі з насельніцтвам праводзяцца ўпершыню. Вынікі не будуць мець юрыдычна абавязковай сілы, аднак у выпадку атрымання большасці галасоў “за” ўладам будзе пасланы моцны сігнал. Бо, пакуль гэтыя вобласці заяўляюць толькі аб жаданні самім кантраляваць свае фінансы і адміністрацыю, аднак жыхары і Ламбардыі, і Венета неаднаразова выступалі за поўную незалежнасць ад Рыма. Дарэчы, у адрозненне ад Каталоніі, тут рэферэндумы былі адобраныя вышэйшым судовым органам краіны.