Забыць тое, як гуляў аргенцінскі футбаліст Хаўер Дзанеці, мы не можам дагэтуль. Ужо віцэ-прэзідэнт міланскага "Інтэра" завяршыў кар'еру чатыры гады таму, але здаецца, што павесіў буцы на цвік толькі ўчора. Дзіўна, але менавіта Беларусь дапамагла легендзе міланскага клуба зноў успомніць навыкі гульні нумар адзін.
У дзень адкрыцця філіяла Акадэміі міланскага "Інтэра" ў нашай краіне Дзанеці час правёў неверагодна прадуктыўна. Ён разрэзаў торт з сімволікай "нера дзуры" (так паэтычна на італьянскай мове гучаць колеры каманды - чорныя і сінія), гуляў з дзецьмі і аматарамі ў футбол, выступаў у ролі варатара і, вядома, спяваў. Ці пападае ў ноты легендарны футбаліст, які большую частку кар'еры правёў у краіне, вядомую сваімі тэнарамі, вы даведаецеся з рэпартажу Андрэя Казлова.
Увогуле так пачынаюцца футбольныя гульні ў кожным двары. Прынамсі, так адбывалася ў гады дзяцінства аўтара гэтага матэрыялу. Хаўер Дзанеці на адкрыцці філіяла Акадэміі міланскага "Інтэра" ў Беларусі камфортна пачуваўся і перад камерай, і тады, калі думаў, што яна не працуе.
Менавіта так развітваюцца з футболам зоркі гульні нумар адзін на планеце. Энергетычным цэнтрам сусвету становіцца арэна - у гэтым выпадку легендарны стадыён "Джузепэ Меаца", дом для двух італьянскіх грандаў, бо тут праводзіць дамашнія матчы і "Мілан". Хаўер Дзанеці ў гэтыя хвіліны доўга гаварыў кранальныя словы, прызнаючыся ў любові да балельшчыкаў. Менавіта ў такія імгненні мы разумеем, чаму футбол завуць рэлігіяй.
Аргенцінец стаў увасабленнем "Інтэра" XXI стагоддзя, калі пад кіраўніцтвам Жазэ Маўрынья каманда перамагла ў Лізе чэмпіёнаў. Наогул знакамітую чорна-сінюю футболку, адгэтуль і мянушка каманды - "нера дзуры", надзявалі многія: Балатэлі, Раналда, Станковіч, Рэкоба, Мацола, Факеці, Барэзі, В’еры. Спіс фантастычны. Але мы і марыць не маглі, што падобны футбольны брэнд стане цесна звязаны з Беларуссю.
Гэта здарылася ў сакавіку 2018. Тады ў Мінск завітаў кіраўнік Акадэміі міланскага "Інтэра" Марка Монці толькі праз некалькі дзён пасля святкавання клубам 110-годдзя! У Доме футбола пры ўдзеле старшыні федэрацыі Сяргея Румаса і экс-футбаліста Віталя Кутузава, які пагуляў нямала на Апенінах, быў падпісаны дагавор аб супрацоўніцтве з футбольнай школай Мікалая Мурашкі. Праз некалькі месяцаў казка стане рэальнасцю.
Урачыстых эпізодаў у дзень афіцыйнага адкрыцця філіяла Акадэміі было шмат. Усё пачалося раніцай з разразання сімвалічнага торта.
Неўзабаве "Інтэр" пускае карані ў беларускай сталіцы. Філіял Акадэміі будзе базіравацца на вуліцы Сярова на палях футбольнай школы Мікалая Мурашкі. Італьянскія методыкі стануць паступова ўкараняцца ў навучальны працэс.
Таленавітыя людзі таленавітыя ва ўсім. Дзанеці як даўні жыхар краіны з пеўчымі традыцыямі гэта дэманстраваў не раз.
