Кадравыя вырашэнні ў дачыненні трынаццаці чалавек прыняў беларускі лідар. Кіраўнік дзяржавы прызначыў двух памочнікаў Прэзідэнта. Інспектарам па Мінску стаў Віталь Прыма, а па Брэсцкай вобласці - Анатоль Маркевіч. Раней ён быў кіраўніком Навагрудскага раёна. На гэтай пасадзе яго зменіць Сяргей Федчанка.
Новы кіраўнік і ў Клічаўскім райвыканкаме. Зараз за развіццё рэгіёна адказвае Віктар Рабкавец. Прызначаючы на гэтыя адказныя пазіцыі новых, але дасведчаных кіраванцаў, Прэзідэнт традыцыйна выразна абгаворвае і прыярытэтныя задачы, якія стаяць перад імі. Пытанне №1 - эканоміка.
Абнавіўся і склад нашага замежнага дыпкорпуса. Зараз прадстаўляе інтарэсы Беларусі ў Іспаніі і па сумяшчальніцтве ў Сусветнай турысцкай арганізацыі Павел Пуставой. А паслом Беларусі ў Польшчы будзе працаваць Уладзімір Чушаў.
Кадравыя змяненні адбыліся і ў іншых ведамствах. Намеснікам кіраўніка спраў Прэзідэнта прызначаны Андрэй Свірыдаў. На пасаду гендырэктара Мінскага механічнага завода імя Вавілаў прыйшоў Аляксандр Мароз.
