Наогул, бяспека, стабільнасць і надзейнасць Беларусі як партнёра ўжо сталі міжнародным брэндам нашай краіны. Мала таго - аргументам для палітыкаў ізноў адкрываць для сябе нашу рэспубліку. У прыватнасці, для амерыканскіх.
У саміх Злучаных Штатах сёння неспакойна, значная частка эліты спрабуе зрынуць Дональда Трампа, у міжнародных справах таксама пакуль без прарываў і разрадкі. А таму лагічна не пладзіць новыя-старыя міфы, а набываць новых сяброў.
Гэтую пазіцыю ў ЗША падзяляюць усё больш палітыкаў - упэўнены кіраўнік фонду "Духоўная дыпламатыя" Майкл Маргуліс. Госць з сонечнай Фларыды быў у Мінску. Прывёз свежы часопіс аб Беларусі для амерыканцаў. І засведчыў: гэтае чытво як ніколі запатрабаванае амерыканскім істэблішментам. З вядомым экспертам сустрэўся і вывучыў часопіс наш палітычны аглядальнік Андрэй Крывашэеў (відэа).
Ці ўтрымаецца Трамп хоць бы да канца першай кадэнцыі, і хто выступае за імпічмент неардынарнаму лідару? Што гавораць аб Беларусі ў кулуарах амерыканскага кангрэса? І якія каштоўнасці збліжаюць нас сёння насуперак двум дзесяцігоддзям, мякка гаворачы, халодных адносін. Актуальнае інтэрв'ю з Майклам Маргулісам глядзіце ў сераду ў вячэрнім эфіры на нашым канале.
