Як наконт бізнесу? Калі чалавек працуе на сябе, ён не толькі атрымлівае асабісты прыбытак, ён падаткамі працуе на бюджэт. Так што радасць ад працы прадпрымальніка - пытанне таксама не апошняе. Нагадаем, аснова еўрапейскай эканомікі не гіганты, а якраз малы і сярэдні бізнес. Так што стварэнне асяроддзя для дзелавых людзей - задача вельмі сур'ёзная.
Новыя правілы гульні для малога бізнесу. Абноўлены праект дырэктывы "Аб развіцці прадпрымальніцкай ініцыятывы і стымуляванні дзелавой актыўнасці" публічна абмяркоўвалі тры тыдні на сайце Мінэканомікі. У абгрунтаванні да дакумента было напісана: "Дырэктыва закліканая прадоўжыць лібералізацыю гаспадарчай дзейнасці і паляпшэнне ўмоў вядзення бізнесу". Беларускі сектар малога і сярэдняга прадпрымальніцтва сёння - гэта каля 120 тысяч арганізацый, чвэрць мільёна індывідуальных прадпрымальнікаў.
Тут працуе больш за паўтара мільёна чалавек, гэта значыць траціна эканамічна актыўнага насельніцтва. Што зменіцца для іх з новым праектам чацвёртай дырэктывы? Спытаемся ў намесніка міністра эканомікі Ірыны Касцевіч (відэа).