Крыху падрабязнасцяў аб самай шматабяцаючай навінцы, што сышла з канвеера ў Барысаве. Geely Atlas - адна з самых свежых распрацовак кітайскай карпарацыі, названая ў гонар старажытнагрэчаскага тытана. Аўтамабілю прадказваюць поспех на рынку СНД, дзе машыны такога класа традыцыйна карыстаюцца добрым попытам.
Atlas будзе выпускацца як з механічнай, так і з аўтаматычнай 6-ступеньчатай каробкай перадач. Прывад - пярэдні альбо поўны. Сэрца пазадарожніка - чатырохцыліндравы "атмасфернік", распрацаваны пры тэхнічнай падтрымцы Volvo. Дарэчы, калі вы раптам не ведалі, то знакаміты шведскі вытворца ўжо сем гадоў належыць кітайскаму канцэрну. Аб'ём рухавіка Atlas - 2 літры ў "механікі" і 2 і 4 - у "аўтамата". Магутнасць абодвух агрэгатаў - пад 150 конскіх сіл. Пры гэтым рухавікі навінкі складана назваць пражэрлівымі. Заяўлены вытворцам выдатак - ледзь менш як 9 літраў на "сотню" ў змяшаным цыкле для пярэднепрываднай мадэлі з "аўтаматам". Беларусы - народ практычны, таму яшчэ адзін важны ў нашых краях паказчык - памер багажнага аддзялення. Яго аб'ем 320 літраў. І больш як 700 пры складзеных задніх сядзеннях. Плюс опцыі накшталт літых дыскаў, мультыруля, ксенону, круіз-кантролю, аздаблення скурай. Што ж, чакаем, калі дылеры аб'явяць цэны.
