На тыдні школьнае пытанне актыўна абмяркоўвалі яшчэ і ў святле прапановы нашых урачоў вызваліць дзяцей ад дамашняга задання. Прадстаўнікі Рэспубліканскага цэнтра гігіены, эпідэміялогіі і грамадскага здароўя лічаць, што вучэбная нагрузка апярэджвае псіхалагічныя і фізіялагічныя асаблівасці дзіцяці прыкладна на год-паўтара. Усё больш дзяцей ідзе ў школу з шасці гадоў. А вось праграмы арыентаваныя на сямігодак. Як вынік - з-за нагрузкі пакутуе здароўе школьнікаў: з'яўляюцца праблемы са зрокам і паставай.
Зрэшты, у свеце практыка, калі вырашаюць адмовіцца ад абавязковага дамашняга задання, ужо існуе. Так, 3 гады таму ў Вялікабрытаніі пасля шматлікіх скаргаў бацькоў яго адмянілі для вучняў пачатковай школы. Аднак нашым журналістам у эксклюзіўным інтэрв'ю міністр адукацыі сказаў, што ў Беларусі такіх змяненняў не будзе.
