13-е чысло для нашага спорту - дзень больш чым удалы. І гэта той самы выпадак, калі нават у навінах можна быць эмацыянальным! А як інакш! Пасля зацяжнога і пакутлівага чакання, пасля спаленных нервовых клетак падчас драматычных баталій у жаночым баскетболе, калі перамога літаральна прасочвалася скрозь пальцы, нарэшце, здарылася тое, што засланіла ўсё. Распячаталі Рыа!
Спачатку Дар'я Навумава. Наш першы медаль. Серабро на вагу золата. Ну а далей суперсубота. Золата самае што ні на ёсць - на п'едэстале батутыст Уладзіслаў Ганчароў. Затым серабро цяжкаатлета Вадзіма Стральцова і, нарэшце, водныя 50 метраў, нацыянальны рэкорд і алімпійская бронза Аляксандры Герасімені. Усяго за адзін дзень наша зборная ўзляцела з 48-га месца на 24-е.
Вось гэтая іншая справа - выдыхнула краіна. Ну а што рабілася ў сем'ях саміх спартсменаў, словамі не апісаць, таму проста пакажам. Наперадзе вялікі рэпартаж аб людзях, якія бачылі першыя крокі будучых алімпійскіх герояў. Але спачатку, вядома, Рыа. З намі на сувязі з Бразіліі Іван Міхайлаў (відэа).
