Беларусь у 2018 стане галоўнай пляцоўкай міжнароднага абмеркавання праблем і дасягненняў у мірным засваенні космасу. У французскай Тулузе Асацыяцыя ўдзельнікаў касмічных палётаў выбрала Мінск горадам, які збярэ каля двухсот касманаўтаў з усіх кантынентаў: Еўропы, Азіі, Амерыкі. Форум, як чакаюць арганізатары, не толькі павысіць турыстычны рэйтынг Беларусі, але і, як гавораць аналітыкі, прынясе краіне навуковыя дывідэнды. Напрыклад, новыя пагадненні з сусветнай касмічнай супольнасцю.
Наогул з космасам у нашай краіны даўняе сяброўства. Беларусь знакамітая тройкай касманаўтаў - Пётр Клімук, Уладзімір Кавалёнак і Алег Навіцкі. Ён і зараз працуе на арбіце. А гісторыя нашага руху да зорак пачалася яшчэ ў мінулым стагоддзі. А калі быць дакладным, то і некалькі стагоддзяў таму. На калязямной арбіце дасягненні беларусаў - гэта праца не толькі пілотаў, але і інжынераў-канструктараў, штурманаў, стваральнікаў касмічных карт і аўтараў тэхналогій у галіне ваеннай авіяцыі і касманаўтыкі.
