Важны сігнал ад Аляксандра Лукашэнкі ў яго інаўгурацыйнай прамове атрымалі для сябе шматлікія замежныя госці цырымоніі, а таксама замежныя дыпламаты. Прэзідэнт адзначыў, што няма ніякіх перашкод для таго, каб перавярнуць старонкі мінулага і пачаць новую гісторыю адносін з нашымі партнёрамі з чыстага ліста.
Спробы ізаліраваць як Беларусь, так і іншыя краіны, аказаліся тупіковым шляхам. Санкцыі вядуць да сітуацыі, у якой прайграюць усе. У знешняй палітыцы Беларусь будзе зыходзіць з уласных інтарэсаў і інтарэсаў суседзяў. Наша краіна з'яўляецца самым бяспечным мостам паміж Еўропай і Азіяй. Таму ад разрыву гэтага сувязнага звяна прайграюць і Захад, і Усход.
Стратэгічным вектарам у беларускай знешняй палітыцы з'яўляецца супрацоўніцтва з Кітаем. Аб развіцці двухбаковых сувязяў гаварылі ў чацвер на сустрэчы беларускага лідара і намесніка міністра камерцыі Кітая Чжун Шаня. Восем візітаў Кіраўніка беларускай дзяржавы на вышэйшым узроўні набліжалі Беларусь да цяперашняга статусу - усебаковага і стратэгічнага партнера. Аснова надзейнага і стабільнага супрацоўніцтва - цёплыя сяброўскія адносіны лідараў Беларусі і Кітая.
Толькі сёлета кіраўнікі дзяржаў сустракаліся тройчы, што ў сусветнай палітыцы вялікая рэдкасць. Абедзве краіны, нягледзячы на геаграфічную адлегласць, трывала эканамічна і палітычна звязаў адзін Шаўковы шлях. Апошнія гады ўзаемны гандаль стабільна бярэ планку 4 мільярды долараў. А ўзровень крэдытна-інвестыцыйнага супрацоўніцтва набліжаецца да 20 мільярдаў. Адзін з самых гучных праектаў - стварэнне сумеснага індустрыяльнага парку "Вялікі камень". Жамчужына Шаўковага шляху, як ужо ахрысцілі гэты праект, павінна стаць цэнтрам рэгіянальнага супрацоўніцтва Беларусі і Кітая.
На інаўгурацыю зноў абранага Прэзідэнта прыехала спецыяльная кітайская дэлегацыя на чале з намеснікам міністра камерцыі КНР Чжун Шаня.
Чжун Шань, спецыяльны прадстаўнік Старшыні КНР: "Нашы адносіны выйшлі на беспрэцэндэнтна высокі ўзровень. Мы ўстанавілі ўсебаковае стратэгічнае партнёрства. Між нашымі лідарамі вельмі блізкія, цесныя сувязі і дружба. Аб гэтым гаворыць і мой удзел у цырымоніі інаўгурацыі Прэзідэнта Беларусі ў якасці спецпрадстаўніка Сі Цзіньпіна".
