У Беларусі будзе адкрыта прадстаўніцтва Міжнароднага камітэта Чырвонага Крыжа. Яно пачне працаваць ужо з 1 студзеня. Апошнія гады геаграфія дзеяння гуманітарнай арганізацыі значна пашырэла - працуе вялікая сетка рэгіянальных прадстаўніцтваў па ўсім свеце. Ужо больш як у 80 краінах супрацоўнікі Чырвонага Крыжа дапамагаюць людзям, якія пацярпелі ў выніку ўзброеных канфліктаў і насілля.
Усебаковае партнёрства Прэзідэнт Аляксандр Лукашэнка на тыдні абмеркаваў з кіраўніком гуманітарнай арганізацыі. Гэта першы рабочы візіт Петэра Маўрэра ў нашу краіну. І надалей афіцыйны Мінск будзе падтрымліваць Міжнародны камітэт, а таксама аказваць дапамогу краінам, якія трапілі ў бяду. Гэтая ключавая заява Аляксандра Лукашэнкі.
Беларусь не па чутках ведае ўвесь цяжар вайны, гістарычна на долю нашага народа выпала нямала выпрабаванняў. І ў цяперашні неспакойны час не застаемся ўбаку, з'яўляючыся донарам бяспекі ў рэгіёне. Наогул Беларусь выступае за мірнае ўрэгуляванне любых канфліктаў і за глабальны дыялог. Заўсёды гатовая дапамагчы блізкаму, ды і не толькі. Адрасаты беларускай дапамогі раскіданы па ўсім свеце. За апошнія гады наша краіна адправіла гуманітарны груз у Сірыю, Ірак, Непал і Украіну.
