11 чэрвеня на "Беларусь 1" стартуе новы праект "Незабыты подзвіг"

Цана Перамогі, ці то спорт, жыццёвая мэта або  вайна,  бывае надта высокай. Менавіта такую высокую цану заплацілі за беларускае мірнае неба, магчымасць для нас з вамі займацца любімай справай  нашы героі-пераможцы.

Агенцтва тэленавін напярэдадні 75-годдзя вызвалення Беларусі акунулася ў гісторыю і  ў цэлым шэрагу дакументальных праектаў рэканструявала ўжо нямала франтавых старонак з жыцця рэальных людзей, чые імёны носяць вуліцы, школы, і чые дзённікі, медалі, лісты і фатаграфіі беларусы перадаюць праз пакаленні.

У аўторак на "Беларусь 1" стартуе новы праект "Незабыты подзвіг". Ад некаторых сцэн, шчыра кажучы, бягуць па целе дрыжыкі.  Бо ў кадры  дзеці вайны. Іх ведалі піянеры ўсёй вялікай савецкай краіны. Іх ставілі ў прыклад. А  апошнім часам задаліся пытаннем: а  ці не выдумка гэта савецкіх ідэолагаў? 

Аўтары фільма правялі ўласнае расследаванне, вывучылі дакументы і сведчанні відавочцаў.