"Чыгункі Літвы" не плануюць спыняць транзіт беларускіх удабрэнняў

"Чыгункі Літвы" не плануюць спыняць транзіт беларускіх удабрэнняў з-за санкцый ЗША. Магчымы разрыў кантракта з "Беларуськаліем", які разлічаны да канца 2023 года, пагражае прадпрыемству банкруцтвам у выпадку судовых іскаў ад беларускага вытворцы. Аб гэтым заявіў кіраўнік літоўскай кампаніі. Ён адзначыў - калі скасаваць дагавор раней за тэрмін, іншы бок можа запатрабаваць пакрыццё страчаных прыбыткаў. Пры гэтым перавозка беларускіх удабрэнняў - адна з асноўных крыніц прыбытку чыгунак і марскога порта Літвы.