Завяршаецца будаўніцтва новага цэха па вытворчасці азотнай кіслаты на "Гродна Азот"

8 Лістапада 2018

Будаўніцтва новага цэха па вытворчасці азотнай кіслаты на прадпрыемстве "Гродна Азот" выходзіць на фінішную прамую. Увод у эксплуатацыю намечаны на канец года. Магутнасці вытворчасці складуць 1 мільён 200 тысяч тон вадкіх угнаенняў за суткі. Гэта амаль у два разы больш, чым на цяперашняй вытворчасці. Рэалізацыя інвестыцыйнага праекта дазволіць знізіць энергазатраты і скараціць сабекошт прадукцыі. У сваю чаргу айчынныя аграрыі за суткі змогуць атрымліваць да 3,5 тысячы тон неабходных угнаенняў. Сёння гэтая лічба складае толькі 2 тысячы тон. Падчас так званага міжсезоння прадукцыю будуць пастаўляць на экспарт.

Ігар Ляшэнка, намеснік Прэм'ер-міністра Беларусі: "За суткі прырост па выручцы за кошт новага праекта складзе больш чым 200 мільёнаў долараў ЗША. Калі пераходзіць на колькасць цэха, а гэта 80 чалавек, то выпрацоўка на аднаго працаўніка перавысіць па выручцы 1 мільён долараў ЗША".

Таксама на "Гродна Азот" запланаваны да рэалізацыі маштабны інвестыцыйны праект па будаўніцтве новага азотнага комплексу, фактычна новага завода. Яго будаўніцтва дазволіць стварыць каля 600 новых рабочых месцаў, а таксама поўнасцю задаволіць патрэбнасць унутранага рынку ў азотных угнаеннях.