Выручка Нацыянальнай біятэхналагічнай карпарацыі ў найбліжэйшыя гады павінна скласці мільярд долараў

Выручка Нацыянальнай біятэхналагічнай карпарацыі ў найбліжэйшыя гады павінна скласці мільярд долараў. Сёння ў Прэзідэнта абмеркавалі ход будаўніцтва маштабнага комплексу інавацыйных заводаў АПК пад Рудзенскам. Ён будзе складацца з 14 вытворчасцяў, яны будуць паэтапна ўводзіцца ў эксплуатацыю. У прыватнасці, запусцяць глыбокую перапрацоўку збожжа па сучасных метадах біятэхналогіі з атрыманнем незаменных амінакіслот. Гэта дазволіць выпускаць высокапрадуктыўныя і збалансаваныя кармы і кармавыя дадаткі. Прадукцыю мяркуецца выкарыстоўваць для ўласнай вытворчасці і пастаўляць на рынкі Расіі, Украіны, краін ЕС і Азіі. У аснове - тэхналогія заўтрашняга дня, прапанаваная кітайскімі партнёрамі. 

Будаўніцтва высокатэхналагічнай агравытворчасці

Праект працяглы, яго маюць намер завяршыць у 2032. Але першую чаргу разлічваюць здаць ужо ў будучым годзе. Яна мяркуе запуск вытворчасці і атрыманне першай прадукцыі. Гэта дазволіць цалкам закрыць унутраныя патрэбнасці ў якасных кармах і дадатках і адпраўляць ільвіную долю прадукцыі на экспарт. Аналагаў гэтаму праекту на постсавецкай прасторы сёння няма.