Парыжскае пагадненне, да якога далучылася наша краіна, накіравана на развіццё зялёнай эканомікі, адыход ад выкарыстання высокавугляродных відаў паліва. Неабходны аптымальны баланс паміж выкідамі парніковых газаў і іх паглынаннем. Сёння асноўны генератар выкідаў - энергетычная галіна (55%).
Андрэй Піліпчук, намеснік начальніка ўпраўлення Міністэрства прыродных рэсурсаў і аховы навакольнага асяроддзя Беларусі: "Наш патэнцыял у развіцці аднаўляльных крыніц энергіі складае 1,5 мільёна тон умоўнага паліва. Калі пералічыць па выкідах, то гэта каля 6% скарачэння выкідаў забруджвальных рэчываў, калі мы будзем замяшчаць высокавугляродныя віды паліва - такія, як мазут, торф, вугаль. У тым ліку тыя, якія аказваюць істотнае ўздзеянне на здароўе насельніцтва".
Сёння аднаўляльныя крыніцы энергіі выпрацоўваюць 700 мільёнаў кілават за гадзіну. Згодна з канцэпцыяй энергетычнай бяспекі, да 2035 года гэты паказчык вырасце амаль у 4 разы.