Пытанні добрасумленнай канкурэнцыі абмяркоўваюць з беларускім бізнесам спецыялісты Еўразійскай эканамічнай камісіі

Сустрэчы прайшлі ў Брэсце, Віцебску і Магілёве. Штучныя бар'еры, дэмпінг і змовы на таргах. Гэта толькі частка праблемных момантаў, аб якіх гавораць кіраўнікі прадпрыемстваў-экспарцёраў рынку ЕАЭС. Але многія перашкоды і проста з-за няведання тонкасцяў прававых механізмаў Саюза. Як абараніць свае правы і паспяхова прадаваць? Адказы ў нашага карэспандэнта Святланы Лук’янюк.

Нашы тэкстыльшчыкі яшчэ два гады таму сутыкнуліся з праблемай па продажах тканіны для форменнага адзення на рынак ЕАЭС. Расія ўвяла часовыя прававыя механізмы, тым самым сказаўшы нашым пастаўкам стоп. Праўда, у студзені гэтага года іх адмяніла. Але бар'еры зрабілі сваю справу, тыя страты ў экспарце  5 мільёнаў долараў яшчэ і па гэты дзень адгукаюцца. Аб'ёмы плануюць аднавіць не раней за паўтара-два гады. 

Па гэтых і іншых пытаннях сёння ў Магілёве кіраўнікі прадпрыемстваў і топ-менеджары прыйшлі на грамадскую прыёмную блока па канкурэнцыі і антыманапольным рэгуляванні Еўразійскай эканамічнай камісіі. Па прыватных момантах разбіраліся і на асабістых прыёмах. 

Эксперты расказалі аб агульных правілах добрасумленнай канкурэнцыі на адзінай пляцоўцы краін "пяцёркі", адказнасці за парушэнні, куды ісці для абароны сваіх праў і з якімі дакументамі. Бо, чым раней з праблемай звернешся, тым хутчэй яе можна вырашыць. 

Адзіная тэрыторыя краін "пяцёркі" заяўлена як адкрытая пляцоўка для ўсіх суб'ектаў гаспадарання з роўнымі правамі і магчымасцямі. 

Але не заўсёды і для ўсіх яна такая на практыцы. Дэмпінг, штучныя бар'еры і несумленная канкурэнцыя - гэта толькі невялікая частка праблемных пытанняў, аб якіх і нашы, беларускія, прадпрыемствы ведаюць не па чутках. Аб гэтым яны гаварылі ў маі тут, у сценах Міністэрства, антыманапольнага рэгулявання і гандлю. Грамадскую прыёмную праводзілі спецыялісты Еўразійскай эканамічнай камісіі. На гэтым тыдні яны сустракаліся з бізнесам у рэгіёнах.

Брэст, Віцебск, Магілёў. Іх прамысловая прадукцыя вялікіх прадпрыемстваў, малы і сярэдні бізнес вялізныя аб'ёмы тавара адгружае менавіта ў краіны Еўразійскага саюза. Вялікая тэрыторыя, дзе 180 мільёнаў спажыўцоў, абяцае і добры прыбытак. Калі няма нястачы прававой, а канкурэнты гуляюць па-сумленнаму. 

Між тымі, колькасць зваротаў у ЕЭК кожны год расце. Гэта і вынік таго, што бізнес паверыў у магчымасць даказаць сваю невінаватасць. За год 30 заяў аб парушэнні агульных правіл канкурэнцыі. Сярод іх закраналіся інтарэсы і нашых, беларускіх, прадпрыемстваў. Са сферы паслуг, прамысловасці і харчовай - мяса-малочнай прадукцыі. Размова фактычна аб бар'ерах уваходу на рынак. 

На гэтым прадпрыемстве Магілёва за год выпускаюць 14 з паловай тысяч ліфтаў. Гэтыя кабіны добра ведаюць на еўразійскім рынку. За мінулы год 90 працэнтаў экспарту адгрузілі як раз у ЕАЭС, значную долю ў Расію. Праблемы ў першую чаргу ў з'яўленні новых заканадаўчых актаў нацыянальнага ўзроўню, якія ставяць палкі ў колы даўнім экспарцёрам іншых краін. Зараз у ЕЭК гэта прадпрыемства абмяркоўвае і лічбавы подпіс. 

Сярод навацый рынку ЕЭАС для канкурэнцыі на роўных, якія бізнес чакае, - праект пагаднення аб узаемным прызнанні банкаўскіх гарантый. Яго падрыхтуюць да 1 ліпеня наступнага года. Новы дакумент дазволіць зняць абмежаванні ва ўдзеле ў закупках, якія праводзяцца ў Расіі. 

Галоўная місія грамадскай прыёмнай - растлумачыць цяперашнія правілы гульні для экспарцёраў ЕАЭС. Бо многія парушаюць проста па няведанні. Таму іх адразу папярэджваюць. Даюць шанц выправіцца. Бо штрафы немаленькія, гэта працэнты ад гадавога абароту кампаній. 

Цывілізаванаму рынку патрэбныя зразумелыя механізмы для працы, каб кожны іх не тлумачыў па-свойму, бо страты вялізныя - і грашовыя, і іміджавыя. Тым больш, што градус канкурэнцыі павышаецца. ЕАЭС заключае пагадненні аб зоне свабоднага гандлю з краінамі па-за Саюза.