Як скараціць заторы на гарадскіх дарогах і пры гэтым стварыць камфортныя ўмовы для перамяшчэння людзей з пункта А ў пункт Б. Рашэнне прапанавана падчас Транспартнага тыдня Беларусі ў рамках выставы "Транспарт і лагістыка". Гледачам быў прадэманстраваны транспарт новага пакалення. Дзеючыя мадэлі рухомага складу SkyWay дэманструюць перамяшчэнне пасажыраў літаральна па паветры, пазбягаючы аўтамабільных затораў у горадзе, а таксама пераадольваючы горныя вяршыні і рэкі. Распрацоўкай зацікавіліся замежныя дэлегацыі, якія наведалі выставу. Сярод іх і фінская. Паводле слоў прадстаўніка кампаніі, зараз SkyWay праходзіць сертыфікацыю і пацвярджае сваю жыццяздольнасць.
Міхаіл Кірычэнка, кіраўнік інфармацыйнай службы ЗАТ "Струнныя тэхналогіі": "Гэта рэйкі. Унутры знаходзяцца напружаныя струны, што дазваляе зрабіць іх вельмі трывалымі. У той жа час матэрыялаёмістасць тут вельмі невысокая. Таму яны тонкія, ажурныя і вельмі трывалыя. Роўнасць шляху такая - вось гэта як раз дзеючая мадэль навяснога высакахуткаснага юнікара - перамяшчацца на хуткасцях да 500 км за гадзіну. Унізе дзеючая мадэль гарадскога SkyWay, які можа перамяшчацца на хуткасцях да 150 км за гадзіну. У горадзе вышэй за 60 няма хуткасцяў. Тут у сілу таго, што транспарт вынесены на другі ўзровень, г.з. наверх, магчымыя такія хуткасці".
Пакуль у поўную моц рэалізуецца праект экатэхнапарка SkyWay - цэнтра сертыфікацыі і дэманстрацыі струннага транспарту. Пад Мар’інай Горкай дабудоўваецца выпрабавальны палігон, дзе ўжо дзейнічае некалькі ліній.
