Пазачарговае выязное пасяджэнне Віцебскага аблвыканкама ў Оршы

4 Ліпеня 2019

Заняць сваё месца ў інавацыйным ланцужку павінны і вытворцы ў рэгіёнах. 

У прыватнасці, работу па развіцці Аршанскага раёна неабходна весці больш высокімі тэмпамі. Такое меркаванне выказала сёння кіраўнік Адміністрацыі Прэзідэнта Наталля Качанава на пазачарговым выязным пасяджэнні Віцебскага аблвыканкама па развіцці Аршанскага раёна. 

Чаканы вынік пакуль не дасягнуты, таму кіраўнікам розных узроўняў трэба прыкласці максімальныя намаганні  ў рашэнні пастаўленых задач. Кожны павінен у поўнай меры ўсведамляць ступень сваёй адказнасці. Паводле слоў  Наталлі Качанавай, у планах - правесці вялікую нараду па развіцці гарадоў з насельніцтвам звыш 80 тысяч  чалавек. Першым справаздачу, як рэалізуецца праграма па развіцці раёна, будзе трымаць старшыня Аршанскага райвыканкама. За гэты час павінны быць сур'ёзныя зрухі, тым больш  што для гэтага створаныя ўсе ўмовы. 

Наталля Качанава, кіраўнік Адміністрацыі Прэзідэнта Беларусі: "Той указ, які быў падпісаны Кіраўніком дзяржавы,  і тыя прэферэнцыі, якія сёння ёсць у Аршанскім раёне, яны, вядома, павінны даць свае вынікі. Некаторыя зрухі ёсць, гэта сапраўды так. І ў добраўпарадкаванні, і ў навядзенні парадку,  і нават у тым, што павялічыўся прыбытак у дачыненні да мінулага года, але тыя падпраграмы, якія ўжо прынятыя, яны павінны рэалізоўвацца хутчэйшымі тэмпамі. Больш эфектыўна".

Асобную ўвагу ўдзельнікі пасяджэння завастрылі на пытанні адтоку кадраў. Арганізацыі Аршанскага раёна ў студзені-маі працаўладкавалі на 584 чалавекі менш, чым было звольнена. Наталля Качанава адзначыла, з людзьмі трэба працаваць. Калі ў іх будзе годная заработная плата, умовы працы і адпаведнае стаўленне,  то ніхто з'язджаць не будзе. Гэтым пытаннем трэба займацца.



Папулярныя

Рэкамендуемыя