Укараненне новых тэхналагічных рашэнняў можа істотна скараціць долю імпарту ў айчынным аўтапраме. Наконт гэтага ішла размова на сустрэчы прадстаўнікоў органаў дзяржкіравання, беларускіх прадпрыемстваў аўтамабільнага сектара і міжнародных экспертаў.
Ва ўмовах чацвёртай прамысловай рэвалюцыі лічбавыя тэхналогіі забяспечваюць увесь жыццёвы цыкл прадукту: ад распрацоўкі і вытворчасці да продажаў і наступнай эксплуатацыі. Тэхналогіі зніжаюць і канчатковую цану прадукцыі, што напрамую павялічвае яе канкурэнтаздольнасць. Такія рашэнні ўжо прымяняюць расійскія канкурэнты беларускіх аўтавытворцаў.
Гучала і тэма імпартазамяшчэння. Сёння ў рамках ЕАЭС ужо дзейнічае патрабаванне аб 50-працэнтнай лакалізацыі аўтавытворчасці. Выкарыстанне новых тэхналогій дазволіць павялічыць выпуск айчынных аналогаў і скараціць імпарт.
