Мінск і Масква імкнуцца выходзіць на прымальныя рашэнні па няпростых пытаннях. І дыпмісія Беларусі ў Расіі будзе гэтаму ўсяляк спрыяць. Пра гэта заявіў новы пасол нашай краіны ў Расійскай Федэрацыі Уладзімір Сямашка. Адно з важных пытанняў двухбаковага парадку дня тычыцца нафтагазавага сектара. Працягваецца прапрацоўка пытання памеру кампенсацый для беларускай эканомікі з-за падатковага манеўру ў нафтавай галіне. Яно напрамую закранае эканамічныя інтарэсы нашай краіны. Беларускі бок разлічвае, што дамоўленасці будуць адпавядаць духу адзінага рынку нафты і нафтапрадуктаў, які павінен пачаць працаваць у Еўразійскім саюзе да 2025 года.
Уладзімір Сямашка, Надзвычайны і Паўнамоцны Пасол Беларусі ў Расіі: "Глабальнае разуменне ў перагаворшчыкаў ёсць у Беларусі і Расіі. Перамовы ідуць няпроста. Адна з задач - знайсці спосаб вырашэння гэтай праблемы. Апошні пратакол, які я падпісаў з Казаком на пасадзе віцэ-прэм'ера, пазначылі тэрмін - да 15 снежня знайсці формулу, алгарытм, як мы будзем рухацца, як будзем падатковы манеўр нейтралізаваць і ў Расіі, і Беларусі. Гэта адно з пытанняў, але ва ўрада ў адносінах з Расіяй, роўна як з іншымі дзяржавамі, ёсць пасольства, якое павінна дапамагаць вырашаць праблемы з пастаўкамі прадуктаў. Ёсць праблемы паставак тэхнікі - гэта таксама трэба здымаць".
Аб нюансах саюзнага будаўніцтва, цане нафтагазавых спрэчак, а таксама асабістай крыніцы энергіі новы пасол Беларусі ў Расіі Уладзімір Сямашка - у "Галоўным эфіры" ў гэтую нядзелю.
