Сярэдняя ўраджайнасць збожжа - больш чым 13 цэнтнераў з гектара. Актыўна працягваецца корманарыхтоўка і ўборка зімавога рапсу. Прыступілі ў рэгіёне і да рвання лёну - працы выкананыя на 15 % палёў. Падчас уборачнай перад аграрыямі стаіць задача: укласціся ў максімальна кароткія тэрміны. І пры гэтым не дапусціць страты ўраджаю.
Марына Раманоўская прадоўжыць. Яшчэ трохі і пасля ўборкі зімавога рапсу ў гэтай гаспадарцы Дубровенскага раёна пачнуць актыўнае жніво. Да гарачай пары камбайны тут падрыхтавалі загадзя. Вопытны кіраўнік не сумняваецца - адказны падыход дазволіць не толькі хутка, але і без страт сабраць хлеб з палёў.
Ход уборачнай кампаніі па ўсёй краіне манітораць спецыяльныя рабочыя групы. Супрацоўнікі МНС, праваахоўнікі, дзяржаўныя кантралёры - у рэйды спецыялісты адпраўляюцца штодня. Заўвагі да аграрыяў ёсць. Адна з вострых праблем - непадрыхтаванасць тэхнікі.
Захоўванне кармоў - яшчэ адно надзённае пытанне. Вось так, літаральна пад адкрытым небам, у некаторых гаспадарках кансервуюць сянаж. Кіраўніцтва "Новая Дубравы-Агра" не ўтойвае - закладка ў капцы - мера змушаная. Не хапае тыпавых сховішчаў. У выніку такой нарыхтоўкі на зіму - якасць ураджаю пагаршаецца, а частка і ўвогуле становіцца непрыдатнай для корму жывёлам.
Метад захоўвання кормоў у капцах сёння выкарыстоўваюць практычна ва ўсіх абласцях. Пытанне ўзялі на кантроль у Мінсельгасхарчы, рашэнне адназначнае: да наступнага года неабходна адмовіцца ад сянажных траншэй.
А ў Магілёўскай вобласці ход уборачнай сёння праінспектаваў віцэ-прэм'ер Міхаіл Русы. На кантролі не толькі падрыхтоўка камбайнаў, дарэчы, сёння не ўся тэхніка выйшла ў поле - 48 машын знаходзяцца ў рамонце, але і пытанні дысцыпліны, і якасць уборкі.
Выканаў Міхаіл Русы і прыемную місію - павіншаваў лідараў уборачнай. Экіпаж гаспадаркі "Світанак" у складзе двух Іванаў - Салановіча і Багеля – намалаціў першую тысячу тон збожжа. Дарэчы, тандэм у ліку лепшых другі год запар.
Разам з хлебам з палёў прыбіраюць і першую гародніну. У гаспадарцы "Альгоўскае-Агра" Віцебскага раёна - добры ўраджай ранняй капусты, морквы, буракоў.
Сёлета аграрыі нямала эксперыментавалі. Спандбондам накрывалі нават плантацыю ранняй бульбы. Нягледзячы на познія тэрміны пасадкі, ураджай паспеў хутка і адразу ж адправіўся на прылаўкі. Свае, правераныя гадамі, тэхналогіі тут ёсць для вырошчвання ўсіх агароднінных культур.
Ацанілі сёлета і перавагі вырошчвання зеляніны - атрымалі нядрэнны прыбытак. Таму ў наступным плануюць пашырыць плошчы пад кроп і пятрушку.
Лішак вільгаці пайшоў толькі на карысць. На штучным паліве глебы гаспадарцы атрымалася значна сэканоміць. Ды і ўраджай сёлета плануюць атрымаць важкі - не меней за шэсць тысяч тон бульбы і каля дзвюх тысяч тон гародніны.
Аб тым, што ў любым надвор'і трэба знаходзіць плюсы, гаварыў і Кіраўнік дзяржавы падчас анлайн-канферэнцыі па пытаннях уборкі ўраджаю.
З аптымізмам аграрыі глядзяць і на ўраджай позніх гатункаў гародніны і бульбы. А дзякуючы сучасным сховішчам - свежая прадукцыя будзе на прылаўках аж да наступнай вясны.
