Таленавітых маладых навукоўцаў і перспектыўных спецыялістаў узнагародзілі ў Віцебску падчас міжнароднага эканамічнага форуму "Інавацыі. Інвестыцыі. Перспектывы". Лепшых вызначылі ў некалькіх намінацыях. Упершыню стартаваў абласны конкурс моладзевага руху WorldSkills. У праграме другога дня - работа павільёнаў, канферэнцыі, правядзенне біржы дзелавых кантактаў, наведванне прадпрыемстваў паўночнага рэгіёна.
У Віцебск на эканамічны форум прыехалі больш за 400 замежных удзельнікаў і прадстаўнікоў дыпламатычнага корпуса двух дзясяткаў краін.
