У "Вялікім камені" пройдзе форум па рэгіянальным супрацоўніцтве і развіцці ў рамках ініцыятывы "Пояс і шлях"

10 Чэрвеня 2019

500 удзельнікаў з 20 краін на пляцоўцы "Вялікага каменя" збярэ першы форум па рэгіянальным супрацоўніцтве і развіцці ў рамках ініцыятывы "Пояс і шлях". Маштабная сустрэча павінна стаць драйверам у прыцягненні новых рэзідэнтаў і інвестыцый. 30 чэрвеня напярэдадні буйной падзеі стартуе выстава беларускіх і кітайскіх тавараў і паслуг. Стаўку робяць на тэхналагічныя прадукты. Дэманстрацыйная пляцоўка пачне працаваць напярэдадні першага форуму па рэгіянальным супрацоўніцтве ў рамках ініцыятывы "Пояс і шлях". З кітайскага боку возьмуць удзел 105 прадпрыемстваў рознага профілю, з беларускага - 74. Гэта 12 галіновых экспазіцый, у тым ліку харчовая прамысловасць, навука і тэхналогіі, машынабудаванне, адукацыя, тэлекамунікацыі, паслугі, энергетыка, транспарт, будаўніцтва. Форум стартуе 2 ліпеня. Яго плануюць зрабіць традыцыйным і праводзіць кожныя два гады.


Папулярныя

Рэкамендуемыя

Зараз чытаюць

Рэкамендуемыя