У Пасольстве Італіі ў Беларусі адкрыўся аддзел па развіцці гандлёвага абмену

8 Кастрычніка 2019

Паводле слоў намміністра замежных спраў Яўгена Шастакова, дадзеная падзея адлюстроўвае ўзаемны інтарэс  да супрацоўніцтва і надасць імпульс развіццю дзелавых сувязяў. За 2018-ты тавараабарот паміж Беларуссю і Італіяй склаў парадку 800 мільёнаў еўра. Стратэгічная мэта абедзвюх краін - дасягнуць да 2020 года мільярда еўра. 

Яўген Шастакоў,  намміністра замежных спраў Беларусі: "Першым чынам, гэты офіс працуе двунакіравана: і з італьянскімі, і з беларускімі кампаніямі".

Карла Фэро, кіраўнік італьянскага агенцтва па падтрымцы і пашырэнні дзейнасці італьянскіх кампаній за мяжой: "Галоўная задача офіса - служыць мостам паміж італьянскім і беларускім прадпрымальніцтвам, а таксама інфармаваць і Рым, і Мінск аб магчымасцях, якія падае рынак абедзвюх краін. Зараз асабліва важна smart-супрацоўніцтва ў сферы лічбавых тэхналогій".

Пасол Італіі ў Беларусі ў сваю чаргу адзначыў, што інавацыі стануць той асновай, на якой будзе будавацца ўвесь комплекс далейшага беларуска-італьянскага супрацоўніцтва.