"Галоўны сухі порт Шаўковай магістралі" і "Гістарычны максімум ва ўзаемным гандлі" - такія загалоўкі сёння з'явіліся ў навінах найбуйнейшых кітайскіх СМІ. Прычына інфармацыйнага ўсплёску - запланаваная сустрэча лідараў дзвюх краін падчас другога форуму "Адзін пояс і адзін шлях" у Пекіне. Вялікая прэс-канферэнцыя перад яго адкрыццём прайшла ў пасольстве Беларусі ў Кітаі.
На пытанні карэспандэнтаў буйных інфармацыйных рэсурсаў, сярод якіх два каналы Цэнтральнага тэлебачання Кітая і агенцтва Сіньхуа, адказаў пасол Беларусі ў Кітаі Кірыл Руды. Летась наша краіна стала адной з галоўных транзітных зон новага Шаўковага шляху: яе перасякла траціна мільёна кантэйнераў па чыгунцы Кітай - Еўропа.
Падчас саміта плануецца таксама распрацаваць сумесную канцэпцыю правядзення першага рэгіянальнага форуму ініцыятывы "Пояс і шлях", які пройдзе 2 ліпеня ў Кітайска-беларускім індустрыяльным парку "Вялікі камень".
У пасольстве Беларусі ў Кітаі прайшла прэс-канферэнцыя перад форумам "Адзін пояс і адзін шлях"
22 апреля 2019