І яшчэ аб адукацыі, спецыяльнасцях 21-га стагоддзя і таленавітай моладзі, раскрыць якую шмат у чым павінна дапамагаць правільна адладжаная сістэма адукацыі. На гэтым тыдні ў Парку высокіх тэхналогій пабываў знакаміты выкладчыцкі склад універсітэта Мэрыленда (ЗША). Каб адразу стала зразумела, яго выпускнікамі ў розны час быў, напрыклад, Сяргей Брын (заснавальнік "Гугл"), а яшчэ лаўрэаты Оскара і Нобелеўскай прэміі.
Спікеры падкрэслілі, што сёння праблемы ў падыходах да навучання моладзі існуюць ва ўсім свеце, а звязаныя яны з хуткім развіццём тэхналогій. Дырэктар дэпартамента інавацый універсітэта Мэрыленда Сандра Лофлін падчас зносін з беларускімі калегамі, IT-спецыялістамі і студэнтамі выказала меркаванне, што адной з галоўных праблем у сістэме адукацыі Беларусі і ЗША застаецца ўзровень ацэнкі ведаў. Галоўнае, як гэтыя веды выкарыстаць на практыцы. Таксама амерыканскія спецыялісты адзначылі сур'ёзныя крокі Парку высокіх тэхналогій і кампаніі-рэзідэнта ЕPАМ у падрыхтоўцы кадраў. Новы Дэкрэт "Аб развіцці лічбавай эканомікі" дазваляе вылучаць IT-кампаніям гранты для падтрымкі таленавітых выкладчыкаў і студэнтаў.
