Ад развіцця гандлю да абароны бізнесу. У Маскве прахозіць трэці Еўразійскі эканамічны кангрэс. Спікеры, а гэта міністры ЕЭК, дырэктары прадпрыемстваў і прадстаўнікі дзелавых колаў, абмяркоўваюць эканамічнае супрацоўніцтва краін ЕАЭС. Сёлета ўзгоднена новая версія Мытнага кодэкса. Дакумент арыентаваны на супрацоўніцтва з бізнесам. Для гэтага створаны Еўразійскі дзелавы савет. Таксама падпісаны праект пагаднення аб распрацоўцы агульнага фінансавага рынку, які павінен запрацаваць да 2025 года. Гэта датычыцца каштоўных папер, страхавання і банкаўскай сферы. Закончана работа і над дакументамі па стварэнні адзіных рынкаў лекаў і медпрэпаратаў.
Валерый Карашкоў, Міністр па пытаннях тэхнічнага рэгулявання ЕЭК: “Рэспубліка Беларусь была адным з ініцыятараў стварэння адзінага рынку. Усе былі зацікаўленыя ў тым, каб як мага хутчэй выводзіць лекавыя сродкі на рынак. Гэта значыць, не трэба паўторна праводзіць клінічныя выпрабаванні. Скарачэнне гэтых тэрмінаў, затрат істотна паўплывае на цану лекаў. І з другога боку, будуць адзіныя патрабаванні па бяспецы, па якасці, па кантролі за лекавымі сродкамі. Гэта дазволіць нам пашыраць сумесныя вытворчасці, у сябе пашыраць вытворчасці і без дадатковых працэдур асвойваць увесь рынак лекавых сродкаў”.
Абмяркоўвалі і развіццё IT-тэхналогій у краінах ЕАЭС, фарміраванне адзінай лічбавай прасторы. Таксама гаварылі наконт стварэння зон свабоднага гандлю з Індыяй, Іранам, Сінгапурам, Паўднёвай Карэяй і Егіптам.