Сёння ў Магілёве падпісаны важныя дакументы ў сферы супрацоўніцтва з Кітаем: гэта дагаворы аб пастаўцы беларускай ялавічыны, стварэнні вытворчасцяў на паўднёвым усходзе нашай краіны, а таксама развіцці турбізнесу. Візіт дэлегацыі правінцыі Цзянсу абодва бакі назвалі гістарычным і самым маштабным за 10 гадоў адносін. У кааперацыі будзе задзейнічаны Магілёўскі мясакамбінат і адразу дзве інвестпляцоўкі ў Крычаве. Тут будуць створаны прадпрыемствы па вытворчасці грыбоў і аўтазапчастак. Гэта каля ста новых рабочых месцаў.
Васіль Сысоеў, старшыня Крычаўскага райвыканкама: "Мы ставім чыста практычныя мэты ад гэтага супрацоўніцтва - гэта стварэнне новых рабочых месцаў, дзе будзе годная зарплата, каб можна было працаўладкаваць людзей нашага рэгіёна. Ужо створаны два прадпрыемствы. Яны зарэгістраваныя на тэрыторыі Крычаўскага раёна, а гэта ўжо гаворыць аб практычнай рэалізацыі нашых папярэдніх дамоўленасцяў".
Ма Цюлінь, віцэ-губернатар правінцыі Цзянсу (Кітай): "Мы адчуваем зацікаўленасць з боку беларускіх калег ва ўзаемным супрацоўніцтве. І гэта падштурхоўвае да новых праектаў. Мы бачым перспектывы ў адкрыцці сумесных вытворчасцяў сельскагаспадарчай прадукцыі, прадуктаў харчавання і, вядома, у развіцці турызму паміж нашымі рэгіёнамі".
Па выніках сустрэчы будзе створана рабочая група па рэалізацыі беларуска-кітайскіх праектаў і партфеля для кітайскіх інвестараў.
