У Мінскай вобласці стартуюць вясенне-палявыя работы

Сельгасарганізацыі Мінскай вобласці гатовы да правядзення вясенніх палявых работ. Пры спрыяльных умовах надвор'я сеў ярыны зойме не больш за 10 дзён.

Ва ўсіх раёнах дастаткова машын і механізатараў. Аграрыі ў гэтыя дні выстаўляюць лінейку тэхнікі: гэта агрэгаты для сяўбы і ўнясення ўгнаенняў. Як распавялі ў Мінаблвыканкаме, нягледзячы на невялікі мароз, калійныя ўгнаенні ўжо ўнеслі на плошчы больш чым 200 тысяч гектараў. Паводле слоў спецыялістаў, сярод прыярытэтаў азімыя культуры і кукуруза.