Пры гэтым зараз высечку дрэў значна ўскладняюць умовы надвор'я. З-за анамальна цёплай зімы і вялікай колькасці ападкаў частку лесасек затапіла. На такіх участках дапамагае магутная тэхніка. У Пухавіцкім лясгасе нават у экстрэмальных умовах штодзень нарыхтоўваюць некалькі соцень кубаметраў драўніны. З надыходам устойлівага марозу гэты паказчык павялічыцца мінімум удвая.
Летась у Мінскай вобласці нарыхтавалі 3 мільёны 800 тысяч кубаметраў драўніны. Пры гэтым доля механізаванай нарыхтоўкі склала прыкладна палову ад усёй колькасці.
