Напярэдадні яго ўдзельнікі гаварылі аб развіцці Беларусі ў кантэксце сусветнай эканомікі. Сёння фокус зрушыўся на пытанні адукацыі і права.
Па меркаванні спікераў, важная задача для развіцця прыватнага бізнесу - гэта высокая якасць адукацыі і рост інвестыцый у навуковыя распрацоўкі ў Беларусі. А любыя эканамічныя ператварэнні эфектыўныя толькі тады, калі іх прымае грамадства. Міжнародныя эксперты адзначылі і імкненне беларускага ўрада зрабіць працу бізнесу больш празрыстай і простай. Як заявіў у эксклюзіўным інтэрв'ю нашаму тэлеканалу прадстаўнік Сусветнага банка, сітуацыя ў эканоміцы Беларусі стабілізуецца, рэцэсія ў мінулым. Сусветны банк афіцыйна прызнае поспехі ўрада ў пытаннях лібералізацыі і паляпшэння інвестыцыйнага клімату.
