Сёння другі дзень Сусветнага тыдня прадпрымальніцтва

19 Лістапада 2019
Сёння  другі дзень Сусветнага тыдня прадпрымальніцтва, ён адкрыўся напярэдадні вечарам. Ключавая падзея - Міжнародны форум прадпрымальніцтва - пачнецца праз некалькі гадзін. Ён аб'яднае маладых і ўжо вопытных бізнесменаў, прадстаўнікоў улады і міжнародных экспертаў. Правядзенне Тыдня ў Беларусі традыцыйна падтрымлівае Белаграпрамбанк. Сёння тут працуюць над стварэннем цэласнай экасістэмы для прадпрымальнікаў. У Мінску і рэгіёнах створаць цэнтры прыцягнення, якія забяспечаць усе ўмовы для развіцця дзелавой ініцыятывы. Да канца гэтага года ў краіне адкрыюцца тры такія аб'екты, а да канца наступнага цэнтры з'явяцца ў кожнай вобласці.

Мерапрыемствы ў рамках Сусветнага тыдня прадпрымальніцтва будуць праходзіць яшчэ на працягу чатырох дзён. Сярод іх прэміі "Ментар года" і "Прадпрымальнік года".