У Паўднёвую Карэю - лекі і медтэхніку, у Беларусь - інвестыцыі і тэхналогіі. У Мінску прайшоў форум дзелавых колаў дзвюх краін. Сярод гасцей - прадстаўнікі кампаній у сферы аўтамабіле- і суднабудавання, электроннай прамысловасці і фармацэўтыкі. У бізнес-сустрэчы ўдзельнічалі прадстаўнікі Еўразійскай эканамічнай камісіі, а таксама партнёры па эканамічным саюзе. Акцэнты - не столькі на гандаль, колькі на інвестыцыі і магчымасці стварэння сельгаскааперацыі. У апошнія гады ўзаемны тавараабарот склаў каля 200 млн долараў.
Андрэй Еўдачэнка, першы намміністра замежных спраў Беларусі:
"З многімі краінамі свету Карэя падпісала пагадненне аб свабодным гандлі. Гэта азначае, што тавары трэціх краін маюць прэферэнцыяльны доступ да карэйскага рынку. У нас такой магчымасці сёння няма. Таму асноўная задача - стварыць на дзяржаўным узроўні максімальна спрыяльныя ўмовы для нарошчвання паставак беларускіх тавараў на рынак Паўднёвай Карэі".
Валерый Садоха, дырэктар Нацыянальнага цэнтра маркетынгу і кан'юнктуры цэн МЗС Беларусі:
"Жадалася б разгледзець Карэю як інвестара, які прынясе сюды тэхналогіі, прынясе інвестыцыі, і мы зможам разам вырабляць прадукцыю, якая будзе карыстацца попытам не толькі на беларускім, але і на сусветным рынку".
Таксама краіны напярэдадні ў МЗС падпісалі пратакол аб завяршэнні перамоў па доступе на рынкі ў рамках далучэння Беларусі да СГА.