Падпісана пагадненне паміж урадамі Беларусі і Эквадора

27 Студзеня 2016

Сёння ў Мінску падпісана пагадненне паміж урадамі Беларусі і Эквадора аб пазбяганні двайнога падаткаабкладання і прадухіленні ўхілення ад выплаты ў дачыненні падаткаў на даходы і маёмасць. Цырымонія падпісання дакумента прайшла ў МЗС Беларусі. З нашага боку свае подпісы пад дакументам паставіў міністр па падатках і зборах Сяргей Налівайка, з эквадорскага - Надзвычайны і Паўнамоцны Пасол Эквадора ў Беларусі Карлас Умберта Ларэа Давіла.

Карлас Умберта Ларэа Давіла, Надзвычайны і Паўнамоцны Пасол Эквадора ў Беларусі: "Хачу адзначыць, што гэты дакумент з'яўляецца важным інструментам для прыцягнення капіталаўкладанняў, якія павінны ўключаць элемент перадачы тэхналогій. Гэта значыць, што нашы краіны адкрытыя для прыцягнення замежных інвестыцый. Упэўненасць у гэтым дае надзейная нарматыўна-прававая база паміж Беларуссю і Эквадорам".

Сяргей Налівайка, Міністр па падатках і зборах Беларусі: "Спрашчаюцца і становяцца больш лаяльнымі ўмовы падаткаабкладання для суб'ектаў абедзвюх краін на тэрыторыі і Эквадора, і Беларусі. Акрамя таго, пагадненне ўключае ў сябе палажэнне аб абмене інфармацыяй аб падаткаплацельшчыках".

Абодва бакі назвалі пагадненне выключна важным для далейшага паляпшэння беларуска-эквадорскіх стасункаў.