У Мінску падпісаны дагавор аб удзеле ў Міжнароднай выставе "ЭКСПА", якую ў наступным годзе прыме Астана. Беларусь стала 71-й дзяржавай, якая падтрымала праект. Усяго ж у форуме плануецца ўдзел больш чым ста краін і міжнародных арганізацый.
Андрэй Еўдачэнка, першы намеснік міністра замежных спраў Беларусі, камісар беларускай секцыі на "ЭКСПА-2017": "Астана-ЭКСПА" 2017 года - гэта будзе спецыялізаваная выстава, якая будзе прысвечаная энергіі будучыні. Мы чакаем ад гэтай выставы вельмі важных дыскусій, рашэнняў, практычных спраў, накіраваных на ўмацаванне энергетычнай бяспекі нашай дзяржавы".
Рапіль Жашыбаеў, камісар "ЭКСПА-2017": "Мы ўжо ў кастрычніку запрашаем камісараў, можна будзе зайсці ў павільёны, планаваць дызайн, падрыхтоўку павільёнаў".
"Астана-ЭКСПА" стартуе 10 чэрвеня наступнага года і прадоўжыцца тры месяцы. Перад падпісаннем дагавора першы намеснік кіраўніка МЗС Андрэй Еўдачэнка і камісар ЭКСПА Рапіль Жашыбаеў абмеркавалі пытанні абсталявання беларускага павільёна з улікам максімальна шырокай экспазіцыі нашай прадукцыі, тэхналогій і паслуг.
